D'Bibel op Lëtzebuergesch (eBook)

Déi véier Evangelien

Erzbistum Luxemburg (Herausgeber)

eBook Download: EPUB

2023 | 1. Auflage
280 Seiten
Books on Demand (Verlag)
978-3-7578-6894-9 (ISBN)

Infos

"D'Bibel op Lëtzebuergesch. Déi véier Evangelien" beinhaltet eine Übersetzung ins Luxemburgische der vier Evangelien (mit Kapitel- und Versangabe, aber ohne Perikopentitel), ausgehend vom griechischen Referenztext in der Fassung von Nestlé-Aland 28.

Textauszug

Zu Bethlehem – de Stär an der Gebuertsgrott

Wéi d’Stärendeiter de Stär gesinn hunn, waren si ausser sech vu Freed. Si sinn an d’Haus eragaang an hunn do d’Kand mat der Maria, senger Mamm, gesinn (Mt 2,10-11a).

22 Wéi hien awer héieren huet, datt den Archelaus9 elo amplaz vun sengem Papp Herodes Kinnek vu Judäa war, huet hie gefaart, fir duer ze goen. Esou wéi et him am Dram gerode ginn ass, huet hien sech an d’Gebitt vu Galiläa zréckgezunn 23 an huet sech do niddergelooss an enger Stad, déi Nazaret heescht, fir datt sech dat erfëlle géif, wat duerch d’Prophéite gesot gi war: Hie gëtt Nazoräer genannt.

31 Deemools ass de Johannes den Deefer opgetratt an huet an der Wüüst vu Judäa verkënnegt: 2 „Denkt ëm*, well d’Himmelräich ass um Kommen!“

3 Hie war et nämlech, dee vum Prophéit Isaias ugekënnegt gi war, wéi dëse gesot hat:

Eng Stëmm rifft an der Wüüst:

Maacht dem Här säi Wee prett,

maacht seng Pied grued! 10

4 De Johannes hat e Kleed aus Kaméilspelz un an e lieder Rimm ëm d’Hëffen, an hien huet vun Heesprénger a vu wëllem Hunneg gelieft. 5 D’Awunner vu Jerusalem an d’Leit aus ganz Judäa an aus der ganzer Ëmgéigend vum Jordan si bei hie gaang, 6 hunn sech vun him am Jordan deefe gelooss an hunn dobäi hir Sënnen agestan.

7 Wéi de Johannes gesinn huet, datt vill Pharisäer* a Sadduzäer* komm sinn, fir vun him gedeeft ze ginn, sot hien zu hinnen: „Dir Schlaangebrutt! Wien huet iech gleewe gedoen, dir kéint deem Geroos, dat kënnt, entgoen? 8 Drot Friichten, déi äert Ëmdenke* weisen! 9 Mengt net, dir kéint iech soen: ,Eise Papp ass den Abraham!‘ Well ech soen iech: Den Herrgott kann dem Abraham aus dëse Steng Kanner erwächen! 10 Elo schonn ass d’Aaxt un de Beem hir Wuerzel ugeluecht, an all Bam, dee keng gutt Friichten dréit, gëtt ëmgeha an an d’Feier gehäit.

11 Zwar deefen ech mat Waasser, fir datt dir ëmdenkt*, ma et gëtt een, deen no mir kënnt an dee méi staark ass wéi ech; ech sinn net dichteg genuch, him seng Sandalen ze droen. Hien deeft iech mat Hellegem Geescht a mat Feier. 12 Elo schonn huet hien d’Schëpp an der Hand, mat där mécht hien säin Denn propper a sammelt säi Weess an der Scheier. D’Kuef awer verbrennt hien an engem Feier, dat ni ausgeet.“

13 Wéi de Jesus aus Galiläa erof un de Jordan bei de Johannes komm ass, fir sech vun him deefen ze loossen, 14 wollt de Johannes hien dovun ofhalen a sot zu him: „Ech hätt et néideg, fir mech vun dir deefen ze loossen, an du kënns bei mech?“ 15 De Jesus huet him geäntwert: „Looss gewäerden! Et gëtt nämlech vun äis erwaart, déi ganz Gerechtegkeet z’erfëllen.“ Dunn huet de Johannes de Jesus gewäerde gelooss. 16 Soubal wéi de Jesus gedeeft war, ass hien aus dem Waasser eropkomm. A kuck, den Himmel ass opgemaach ginn, an de Jesus huet dem Herrgott säi Geescht gesinn op sech erofkomme wéi eng Dauf. 17 An eng Stëmm aus dem Himmel sot: „Dat hei ass mäi Jong, deen ech gär hunn; hie steet a menger Gonscht!“

41 Duerno gouf de Jesus vum Geescht an d’Wüüst gefouert, fir vum Däiwel op d’Prouf gestallt ze ginn. 2 40 Deeg a 40 Nuechte laang huet hien do gefaascht; um Enn war hien hongereg. 3 Dunn ass deen, deen hien op d’Prouf stelle sollt, dohi komm a sot zu him: „Wann s du dem Herrgott säi Jong bass, da so, déi Steng hei solle Brout ginn!“ 4 De Jesus huet him geäntwert: „Et steet geschriwwen: De Mënsch lieft net nëmme vu Brout, ma vun all Wuert, dat aus dem Herrgott sengem Mond kënnt.11“ 5 Dueropshin huet den Däiwel hien an déi helleg Stad matgeholl an hien op d’Spëtzt vum Tempel gestallt. 6 Hie sot zu him: „Wann s du dem Herrgott säi Jong bass, da gehei dech hei erof! Et steet nämlech geschriwwen: Wéinst denger gëtt hien sengen Engelen* den Uerder, an si droen dech op den Hänn, fir datt s du dir de Fouss net un engem Stee stéiss.12“ 7 De Jesus sot: „Et steet och nach geschriwwen: Du solls den Här, däi Gott, net op d’Prouf stellen! 13“ 8 Duerno huet den Däiwel hien op e ganz héije Bierg matgeholl an him alleguer d’Räicher vun der Welt an hir Herrlechkeet gewisen. 9 Hie sot zu him: „All dat hei ginn ech dir, wann s du nidderfäls a mech ubiets.“ 10 Du sot de Jesus zu him: „Fort mat dir, Satan! Et steet nämlech geschriwwen: Den Här, däi Gott, solls du ubieden, an him eleng solls du déngen! 14“ 11 Dueropshin huet den Däiwel hie verlooss, a kuck, et sinn Engelen* dohi komm an hunn hie bedéngt.

12 Wéi de Jesus héieren huet, datt de Johannes an de Prisong gehäit gi war, huet hien sech a Galiläa zréckgezunn. 13 Hien ass do awer net zu Nazaret15 bliwwen, ma huet sech zu Kapharnaum um Séi niddergelooss, am Gebitt vu Sebulon an Naphtali, 14 fir datt sech dat erfëlle géif, wat de Prophéit Isaias gesot hat:

15 Land Sebulon a Land Naphtali,

wou d’Strooss laanscht d’Mier féiert,

déisäit vum Jordan,

dat heednescht* Galiläa:

16 Dat Vollek, dat an der Däischtert lieft,

huet en hellt Liicht gesinn,

a fir déi, déi am Schieträich vum Doud liewen,

fir déi ass e Liicht opgaang.16

17 Vun deem Ament un huet de Jesus ugefaang ze verkënnegen: „Denkt ëm*, well d’Himmelräich ass um Kommen!“

18 Wéi hien du laanscht de Séi vu Galiläa gaang ass, huet hien zwéi Bridder gesinn, de Simon, dee Péitrus genannt gouf, an den Andreas, säi Brudder. Si hu grad hiert Netz am Séi ausgehäit, si waren nämlech Fëscher. 19 Hie sot zu hinnen: „Kommt mir no! Ech maachen aus iech Mënschefëscher.“ 20 Dunn hunn si direkt hir Netzer leie gelooss a sinn him nogaang. 21 Wéi hie vun do weidergoung, huet hien zwéin aner Bridder gesinn, de Jakobus, dem Zebedäus säi Jong, an de Johannes, säi Brudder. Mat hirem Papp, dem Zebedäus, waren si am Naachen amgaang, hir Netzer an d’Rei ze maachen. De Jesus huet si geruff, 22 an direkt hunn si den Naachen an hire Papp zréckgelooss a sinn dem Jesus nogaang.

23 An hien ass duerch ganz Galiläa gaang, huet an de Synagogen* d’Leit geléiert, d’Evangelium* vum Räich verkënnegt an all Krankheet an all Gebriechen am Vollek geheelt.

24 Säi Ruff huet sech a ganz Syrie verbreet, an d’Leit hunn alleguer déi bei hie bruecht, déi krank waren, déi un ënnerschiddleche Kränkte gelidden hunn a Péng haten, déi vun Dämone besiess waren, alleguer déi Moundsüchteg an déi Geläämt, an de Jesus huet si geheelt. 25 Vill Leit aus Galiläa an aus der Dekapolis, vu Jerusalem, aus Judäa a vun déisäit dem Jordan sinn him nogaang.

51 Wéi de Jesus déi vill Leit gesinn huet, ass hien de Bierg eropgaang. Hien huet sech gesat, an seng Jünger si bei hie komm. 2 Dunn huet hien ugefaang, si ze léieren, a sot:

3 „Glécklech déi, déi net vun sech ageholl sinn17,

well fir si ass d’Himmelräich.

4 Glécklech déi, déi traureg sinn,

well si gi getréischt.

5 Glécklech déi, déi duuss sinn,

well si ierwen d’Land.

6 Glécklech déi, déi Honger an Duuscht hunn

no Gerechtegkeet,

well si gi gesiedegt.

7 Glécklech déi, déi baarmhäerzeg sinn,

well si kréie Baarmhäerzegkeet geschenkt.

8 Glécklech déi, déi e rengt* Häerz hunn,

well si kréien den Herrgott ze gesinn.

9 Glécklech déi, déi Fridde schafen,

well si gi Kanner vum Herrgott genannt.

10 Glécklech déi, déi wéinst der Gerechtegkeet verfollegt ginn,

well fir si ass d’Himmelräich.

11 Glécklech sidd dir, wann si iech wéinst menger Frechheete maachen, iech verfollegen an zu Onrecht allméiglech Béises iwwer iech soen. 12 Freet iech a jubiléiert, well äre Loun ass grouss am Himmel! Esou hunn si nämlech d’Prophéite virun iech verfollegt.

13 Dir sidd d’Salz vun der Äerd! Wann awer dat Salz fad ginn ass, wouduerch kann et dann nees salzeg gemaach ginn? Et daacht näischt méi, et ass just nach gutt, fir erausgehäit a vun de Leit zertrëppelt ze ginn.

14 Dir sidd d’Liicht vun der Welt! Eng Stad, déi...

Produkt-Details

• Erscheint lt. Verlag: 24.5.2023
• Sprache: Luxembourgish; Letzeburgesch
• Themenwelt: Geisteswissenschaften ► Religion / Theologie ► Christentum
• ISBN-10: 3-7578-6894-3 / 3757868943
• ISBN-13: 978-3-7578-6894-9 / 9783757868949